Cebu City – Gibutyag sa buhatan sa Department of Labor and Employment (DOLE)-7 nga dili na unya kinahanglang mo byahe pa sa Syudad sa Dumaguete, Negros Oriental alang niadtong mga trabahante sa lalawigan sa Siquijor nga dunay work-related concerns nga i file sa buhatan sa National Labor Relations Commission-Regional Arbitration Branch ( NLRC-RAB).
Ang ila lang buhaton, Matod ni DOLE-7 Regional Director Salome O. Siaton mao ang pag bisita sa DOLE Siquijor Field Office (SFO) nga nahimutang sa Circumferential Road, Siquijor, diin anha ibutang ang NLR Satellite Office.
Ang pagbutang sa NLRC Satellite Office, matod ni Siaton offshoot sa Memorandum of Agreement (MOA) nga gilagdaan tali nila ni DOLE Secretary Silvestre H. Bello III ug Chairman Gerardo C. Nograles sa National Labor Relations Commission niadtong Enero 30, 2020.
“The NLRC’s creation of satellite offices did not push through on time as planned due to the COVID-19 pandemic. But with the quarantine restrictions now slowly loosening up and the country’s vaccination program rolling out, we believe it is now safe for us to proceed with what has been planned since last year particularly here in Region-7,” mensahi ni Siation.
Ang NLRC Satellite Office naghatag kahigayonan alang ni bisan kinsang aggrieved party pag file sa complaint sa NLRC-RAB, ug dili na ngadto sa buhatan sa RAB sa Syudad sa Dumaguete, pinaagi sa pag assist sa DOLE personnel nga magsilbing NLRC-designated complaint officer sa NLRC Satellite Office sa DOLE Siquijor Field Office.
Sigon pa ni Executive Labor Arbiter (ELA) Emiliano Tiongco Jr. sa NLRC-Regional Arbitration Branch VII nga ang lalawigan sa Siquijor, lahi sa ubang probinsya sa Rehiyon, motala lang kinig gamay nga trabahante nga mo reklamo o molahos sa ilang complaint sa NLRC-RAB Level.
Nagtood si ELA Tiongco nga usa sa mga rason mao ang iyang gihulagway nga “geographical challenge” nga nagkinahanglan pa sa aggrieved party nga mo byahe sa sunod nga isla aron lang pag duso sa ilang complaint ngadto sa NLRC-RAB Office sa syudad sa Dumaguete.
Iyang gipasabot nga ang pagbutang ug Satellite Office, ang parties nga nalambigit dili na mogasto ug dako alang sa ilang plete , pagkaon ug ubang gastohan.
Dugang gipaambit niya nga human matakda ang petsa alang sa mandatory conciliation and mediation sa duha ka party, ang ila nang Labor Arbiter Associate maoy mo byahe gikan sa Dumaguete ngadto sa Siquijor kausa kada semana aron sa ipahigayon nga mandatory conciliation and mediation conferences.
(Jhon Tadlip/JTY)
(News & photo courtesy of Department of Labor and Employment Office -7)