Pagadian City – Sikop ang lalaking gituohang gapayuhot sa ginadiling droga sa usa ka Drug Buy-Bust Operation nga gikasa sa Pagadian City Police Station, kagahapon kauban ang Provincial Drug Enforcement Unit – Zamboanga Del Sur ug ang Philippine Drug Enforcement Agency, sa may Purok Santan Buenavista, Pagadian City.
Ang suspect naila nga si Wahab Hasim Hajim, 38 anyos, minyo ug residente sa Campo Islam, Sanpedro District Pagadian City.
Nakuha gikan sa posesyon sa dinakpan ang unom ka gagmay nga plastic Straw nga gituohang shabu ug duha ka dagko nga pakete sa shabu nga gibana-banang mubalor sa ₱ 13, 600 ang market value, kantidad mga nakumpiska, usa ka tumbler ug duha ka kenyentos pesos nga mark money.
Sa kasamtangan anaa na sa kustodiya sa kapulisan ang suspetsado ug gi andam na kaso nga ipasaka sa korte batok niini.
(News & photo courtesy by Wendel Cabrera)