29.9 C
Manila
Tuesday, April 23, 2024

Negosyante sa Tagum gitulis, kapin 3 milyones pesos aligasyong natangag sa tulisan

- Advertisement -

Davao City – Padayong giimbistigahan karon sa Tagum City Police Office ang giingong tulis nga nahitabo niadtong usa ka adlaw diin mokantidad sa kapin 3 milyones pesos ang kantidad nga natangag sa tulisan..Pinasubay sa inisyal nga imbistigasyon sa Kapolisdan, nahitabo ang “robbery incidents” sa may capitol road, barangay Mankilam syudad sa Tagum duol lamang sa usa ka Gasoline station pasado alas singko sa sayong kabuntagon.

Ang biktima giila nga si Lucille Millama Lectura, 36 anyos ang pangidaron kinsa dunay pwesto sa Meat Section sa Tagum Public Market ug molupyo sa Quezon Street Barangay Magugpo Poblacion. Pinasubay sa inisyal nga imbistigasyon sa kapolisan nga alas singko sa buntag nagpaabot ug masakyang pedicab si Lectura gikan sa Rizal Street paingon sa merkado.

Tungod kay way masakyang pedicab, mipara na lamang siya ug usa ka kolor Pula nga Ladies Type single nga motorsiklo si Lectura dihang milabay na sila sa dalang Sobrecary street sa 3rd avenue, milahos ang druver sas Garciaville hinungdan nga iyang gipahunong ang motor apan mikusog na hinuon ang pagpadagan sa driver.

Pag abot sa Petron Gas Station, kalit nga mideklara ug tulis ang driver dayon nga pugsanong gikuha ang Gold Bracelet lakip ang Bulgari nga necklace hinungdan nga nabagnos sa dalan ang biktima.

Wala pa matagbaw ang suspitsadong driver, pugsanon usab nga gikuha niini ang Bag ni Lectura hinungdan nga nagbinirahay silang duha ug didto na nahitabo nga gidunggab sa driver ang biktima kinsa naigo sa iyang bukton. Sa maong higayon malampusong nakuha ang shoulder bag sa biktima nga may sulod nga P3.4 Milyones ug cellphone. Nahibaw-an nga ang maong kwarta ginansya sa “Sosyo” sa mga Stall Owners sa palengke ug Merchandiser nga nakatakda unta nga i-release.Milihok na karon ang investigation Section labot sa insidente ug mihimo silag lakang nga makakita og establistamento o kaha balay nga nakakuha og footage sa insidente pinaagi sa CCTV camera aron maklaro pud kung unsa gayod ang nahitabo. Sa mao usab nga hitabo daghan og natingala kung nganong kompyansa lamang ang maong negosyante sa pagdala og dakong kantidad sa kwarta.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -