34 C
Manila
Tuesday, April 16, 2024

Negative Sa Swab Test Si Alcalde Madel Yorobe Alfelor

- Advertisement -

Iriga City — Negatibo an opisyal kasunod kan boluntad kaining pagpa-swab test matapos na magka-igua nin close contact sa sarong inot ng nagpositibo sa nasabing hilang asin sarong empliyado kan city hall.

Nagpahayag nin kaogmahan an alcalde sa nasabing pangyayari kasabay kan paglaom na mayo nin ma-positive duman sa mga kasabay niyang empliyados kan local na gobierno na nagkaigua nin esposure sa nasabing pasyente.

Inot kaini, an alcalde boluntad man na nag-isolate tanganing mapaseguro an salud kan saiyang pamilya asin mga namamanwaan na ara-aldaw na nakakasalamuha sa cuidad nin Iriga.

Pinaglalaoman man na personal ng ma-opisina an alcalde kan cuidad matapos na ini mag negative sa swab test.

Sa ngunian sa cuidad nin Iriga igua nin 55 kompirmadong tinamaan kan covid 19, alagad 18 na sana an active matapos na 34 na an makarecover sa hilang asin tulo naman an binawian nin buhay.

Sa banwaan man kan Baao, kinompirmar ni Alcalde Jeff Besinio an pagpositibo kan duwang persona taga Buluang asin taga Del Rosario kan sinambit ng banwaan.

Duwa na sana kuta an active cases sa banwaan, alagad nadagdagan pa nin lima sa nagtalikod na simana kaya igua na ngunian nin pitong active cases, mientras na an kabilugan na tinamaan kan hilang 66 na gabos, 54 naman an nakarecovered asin lima an binawian nin buhay.

 

(Source: LGU – Iriga & LGU – Baao, Camarines Sur)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -