33.8 C
Manila
Friday, March 29, 2024

Negative RT-PCR Swab Test Result Ug Mandatory Quarantine Nagpabiling Palisiya Sa Sarangani Province

- Advertisement -

Nagpabilin ang palisiya sa probinsya sa Sarangani nga magkuha og negative RT-PCR swab test result ug mupailalum sa Mandatory Quarantine ang mga ROF kon Returning Overseas Filipinos. Basi kana sa executive order nga gipagawas ni Governor Steve Chiongbian Solon.

Wala pa man nabakunahan ang tanan batok sa orihinal nga bersyon sa Coronavirus, nanggutho na ang mga bag-ong variant gikan sa mga nagkadaiyang nasud. Normal kini nga kalihukan sa virus nga adunay mahitabo nga mutation kung nag-sige pa kini sa pagtakod sa dugay na nga panahon.

Gipaniguro na lamang ni Col. Michael Lebanan, ang labaw sa Sarangani Provincial Police Office, lakip na ni Lt. Col. Romeo Galgo, ang bag-ong deputy provincial director for operation nga mao karoy nangulo sa Provincial Contact Tracing Support Group, nga anaa ang PNP Sarangani ug mga force multiplier katugbang ang kasundaluhan sa pag-alalay sa mga LGU sa padayong pagpatuman sa safety measures.

Wala man gibawalan sa pag-obserba sa Semana Santa apan sabton dapat matud pa sa mga residente nga gidid-an usa gyud ang panagtapok sa mga tao. Dili kalimtan ang face mask, face shield, dos metros nga physical distancing ug paghinlo sa lawas.

Samtang, gibutyag ni Ms. LangLang Purisima sa Sarangani Provincial Tourism and Investment Promotion Center nga hugot gipatuman sa mga tourism destination hilabi na sa mga beach resort sa Sarangani Province ning panahon sa Semana Santa, ang health protocols, limited venue capacity ug checkpoint requirements, ubos sa pag-monitor sa mga aktibong mayor, municipal tourism office ug kapulisan.
(Roniel Degorio)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -