Umakyat na sa 722 ang kabuuang bilang ng mga nasawi sa China dahil sa 2019 novel coronavirus acute respiratory disease (2019 nCoV-ARD).
Ito ay matapos na pumalo sa 86 ang namatay sa Hubei Province, ngayong araw lamang ng Sabado, ika-8 ng Pebrero.
Samantala, magugunitang ang naturang death toll ay mas mataas kumpara sa naging kaso ng Severe Acute Respiratory Syndrome (SARS) noong taong 2002 hanggang 2003 na nag-iwan ng 670 kataong nasawi.