Cebu City – Gibutyag sa National Bureau of Investigation (NBI)-7 nga wala silay na monitor nga nag hoarding ug medical supplies ug oxygen tank sa Sugbo bisan pa man sa pagsaka sa demand gumikan sa taas nga kaso sa Covid-19.
Matod ni Atty Renan Oliva, NBI- 7 Director nga naka submit na sila ug initial investigation report ngadto sa Department of Justice (DOJ).
Kahinumduman nga mimando si Department of Justice (DOJ) Secretary Menardo Guevarra sa NBI-7 nga susihon ang mga report labot sa pag hoard ug mga medical supplies, labi na ang medical oxygen taliwa sa pagsulbong sa Covid-19 cases sa Cebu Island.
“So far ang investigation wala pay indicator nga naay hoarding”, matod ni Oliva.
Gipahibaw ni Oliva nga mibisita sila ug daghang mga establishments alang sa random inventory sa medical supplies ug oxygen tank, pero wa silay nakitang timailhan sa hoarding ug ubang illegal activities sama sa overpricing;
Bisan pa man, sigon pa sa director nga nga padayon silang mo imbestiga ug mag monitor sa mga supplier sa medical supplies.
Iyang gipasabot nga way specific establishments ang gi target sa ilang imbestigasyon.
“…Based sa among outcome sa investigation, wala pa so far,” gitataw ni Oliva.
(Jhon Tadlip)
(News & photo courtesy of National Bureau of Investigation 7)