Naideploy ti tallo pulo ket uppat a kameng ti kapulisan kadagiti boarders iti Badoc, Pagudpud, Nueva Era ken Solsona tapno ad-adda pay a mapaigetan ti pannakasurot dagiti quarantine protocols iti Ilocos Norte.
Segun iti Ilocos Norte Police Provincial Office (INPPO) a ti pannakanayon ti agbantay kadagiti boarders ket tapno maipasigurado nga awan ti makalusot a saan nga umno ti papeles na.
Nagpanawagan ti PNP a no adda dagiti aglabsing ket rumbeng a dokumentado babaen ti video wenno picture ken mabalin nga ipatulod iti ‘’ireport kasi I care’’ Facebook page wenno ipatulod kadagiti hotlines dagiti nagduduma a municipal police stations.
Daytoy a ganwat ti PNP ket tapno tapno mapaalisto ti pannakababa ti COVID-19 iti Probinsia. (Rodrigo Sadian, RPN DZRL Batac OIC)
(Source: Provincial Government of Ilocos Norte)