29.8 C
Manila
Thursday, March 28, 2024

Nationwide Virtual Praise And Worship Sa Jesus Reigns Celebration Karong Nobyembre 30 Maghalad Sa Pamilyang Pilipino

- Advertisement -

Gibutyag ni Ms. Michelle Lopez Solon, ang kapikas sa kinabuhi ni Sarangani Governor Steve Chiongbian Solon, nga sa pito (7) ka tuig nga selebrasyon sa Jesus Reigns gikan tuig 2013, makanunayong gihalad ang probinsya sa Sarangani ug ang tibuok nasud ngadto sa Ginoo. Karon nga tuig mamahimong pinasahi tungod ang matag pamilyang Pilipino ang daw maoy gitawag matud pa sa Dyos nga mao napuy unahon sa paghalad aron magpabiling maayo ang lawas ug buo sa kanunay taliwala sa mga hagit sa kinabuhi nga nasinatian karon nga mga panahon.

Karon nga Nobyembre 30, atol sa Bonifacio Day usa ka national holiday, nag-awhag sila First Lady Maam Michelle ug Governor Solon nga salmutan ang nationwide virtual praise and worship sa Jesus Reigns Celebration sulod sa tagsa-tagsa ka panimalay, dili na mugawas pa. Masundan ang mga katikaran sa Facebook ug YouTube Live sa Jesus Reigns Philippines, ug madunggan usab sa mga istasyon sa radyo sa Sarangani ug Gensan gikan alas dos sa hapon (2 PM) hangtud alas sais sa gabii (6 PM).

Samtang gahulat sa pagsugod sa selebrasyon sa Jesus Reigns anang mga orasa, dungan kitang maniudto sa atong mga myembro sa pamilya, gitawag kini nga “Victory Feast.” Pwede usab i-display ang flag/banner sa Jesus Reigns sulod sa atong mga pinuy-anan ug gambalay timaan sa atong pagsuporta.

Mapasalamaton na lamang sa Labaw nga Makagagahum sila Governor Solon, Vice Governor Elmer De Peralta, tanang board member, ang pito (7) ka mayor, bisan na sila Senador Manny ug Congressman Ruel Pacquiao, tungod wala nakasinati og dakong lunop ug landslide ang area sa Sarangani Province ug Rehiyon Dose. Itandi sa ubang mga lugar nga sunod-sunod ang paghapak sa mga bagyo, naa pay Coronavirus nga nagpadayong hulga sa mga katawhan.
(Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -