Ang Dakbayan sa Dipolog, ang isa sa mga dakbayan sa Pilipinas ang nakaangkon sa taas nga award isip Consistent Regional Outstanding Winner in Nutrition (CROWN), sa tibuok nasud diin usa ka consistent winner sa Zamboanga Peninsula sukad pa sa tuig 2021-2023.
Hinungdan nga ang Dipolog LGU, nga gipanguluhan ni Mayor Darel T. Uy, ug mga opisyales ning dakbayan hugtanung nakadawat sa maong pasidungog sa National Nutrition Council ug Department of Health, sa maong CROWN award nga didto gipahigayon sa Crowne Hotel sa dakbayan sa Quezon.
Atol sa maong awarding anaa si Presidente Bongbong Marcos, ang mapahiyumong mingtunol sa maong award ngadto na kang Mayor Darel Uy, diin mipadangat sa iyang pagdayeg sa kakugihan sa maong mayor ning dakbayan ug ingon man sa mga opisyales sa LGU Dipolog tungod sa maong dakung dungog nga ilang nadawat. (Angelica T. Obina)
(Source: Dipolog City Information Office)