Bimmisita iti Probinsia nga Ilocos Norte dagiti myembro ti National Task Force (NTF) Coordinated Operations to Defeat Epidemic (CODE) Team ken Regional Task Force 1 against COVID 19.
Ti ibibisita ti multi task force ket tapno tumulong da iti probinsia a manglapped ti panagwaras ti virus.
Ti taripnong ket naiwayat iti Centennial Arena nga inatendaran ni Gob. Matthew Marcos Manotoc ken ti Ilocos Norte Provincial Incident Management Team (PIMT) karaman ni Laoag City Mayor Michael Marcos Keon.
Kangrunaan a napagsasaritaan ket ti mannarimaan a PDITR wenno ti Prevent-Direct-Isolate-Treat-Reintegrate strategy ti CODE Team.
Mangnamnama ni Gob. Matthew Marcos Manotoc a dakkel ti maitulong na ti nasao a pannakataripnong iti CODE Team. (OIC Rodrigo Sadian, RPN DZRL Batac)Â Â Â Â
(Source: Provincial Government of Ilocos Norte)