Davao City – Gipadayag ni Senator Christopher “Bong” Go nga angay pakusgan pa ang kampanya labot pag-edukar sa katawhan aron sunog malikayan.
Kini subay usab sa bag-on lang napasar nga Senate Bill No. 1832 kon ang pag-modernize ug pagpalambo sa kinatibuk-ang naglangkub sa Bureau of Fire Protection sama sa mga ekipo, kahimanan, pagdugang og personahe ug uban pa.
Si Sen, Go ang nag sponsor sa maong balaod diin unang nagkanayon, “Panahon na para i-upgrade ang pasilidad at kapabilidad ng Bureau of Fire Protection. Dapat maging mas proactive tayo. Bukod sa pagiging laging handa, dapat rin ay maging informed ang ating mga kababayan kung paano maiiwasan ang ganitong insidente, tulad ng sunog.”
Dugang pa ni Sen. Go nga labing importante gayud sa maong balaod ang education campaign.
“Not only to modernized the bureau of fire protection but the education campaign, dapat mag report gyud, pahibalon gyud ang matag panimalay nga ingat sa kanunay para malikayan ang sunog ,” sulti sa senador.
Adlawng Miyerkules, Marso 10, 2021, ningbisita mismo ang senador sa mga nasunogan sa Agdao diin ningtunol kini og mga hinabang ngadto sa mokabat 300 ka pamilya nga nawad-an og panimalay tungod sa sunog.
Sa kanunay ang senador nagpaabot og mensahe sa tanang mga nasunogan diin temporaryong nagtinir karon sa Brgy Duterte covered court human nasunog ang mga balay niadtong Martes sa hapon, March 10, 2021.
Sulti sa senador ngadto sa mga nasunogan, “Wag kayong mag alala magtulungan tayo, andito lang ang gobyerno at tutulong sa inyong lahat.”
Kauban ni Sen. Go nga nanghatag og ayuda mao ang mga nagkadaiyang ahensya sa gobyerno sama sa National Housing Authority (NHA), Department of Social Welfare and Development (DSWD), Philippine Gaming and Amusement Corporation (PAGCOR), Department of Health (DOH), Department of Trade and Industry (DTI) ug Technical Education Skills and Development Authority (TESDA).
(Michael Manguhig, RPN DXKT Davao OIC)
