Nakatanggap na ng tulong pinansyal mula sa gobyerno ang tinatayang nasa 180,000 manggagawa sa bansa na apektado ng krisis dahil sa COVID-19.
Ayon sa Department of Labor and Employment (DOLE), simula noong ika-4 ng Abril ay naipamahagi na nila ang P5,000 ayuda sa bawat manggagawa mula sa formal at informal sector.
Samantala, inamin naman ang ahensya na mayroon silang natatanggap na reklamo mula sa mga manggagawa na tinanggihan ng kanilang mga employers na mag submit ng kaukulang requirements para sa cash aid.
Paliwanag ng Employers’ Confederation of the Philippines (ECOP), maraming kumpanya ang hindi maka-comply sa mga dokumento na hinihingi ng DOLE bunsod ng umiiral na lockdown dahilan para hindi makapasok ang mga nasa human resources upang maasikaso ang mga kakailanganing requirements.