33 C
Manila
Wednesday, April 24, 2024

Namatay sa pagpamomba sa Marawi City miabot na sa 4

- Advertisement -

Nisaka na ngadto sa 4  ang patay sa pagpamomba sa tunga-tunga sa misa sa Marawi City

Nisaka ngadto sa 4 ang patay sa pagpamomba sa Dimaporo Gymnasium sa Mindanao State University sa Marawi City karong buntag.

Base sa report, nahitabo kini pasado alas 7:00 sa buntag samtang nagpahigayon og misa nga gitambungan sa mga tinun-an ug magtutudlo.

Sa kapin 40 ka mga biktima nga daling gidala sa emergency room sa Amai Pakpak Medical Center, 4 ang namatay samtang 6 ang naoperahan.

Nagpadayon ang imbestigasyon sa maong insidente.

Sa laing bahin, kusganong gikondena ni Presidente Ferdinand R. Marcos Jr. ang maong pagpangatake dungan sa pagpasalig nga mahatagan og hustisya ang mga biktima.

Sa usa ka pamahayag, ang Presidente miingon nga ang mga tawo sa likod sa kapintasan gikonsiderar nga mga kaaway sa katilingban, ilabi na sa mga inosenteng kinabuhi.

Gitan-aw karon sa Bangsamoro Police Regional Office kon posibleng konektado ba kini sa kamatayon sa 11 ka sakop sa Dawlah Islamiyah.

Matod ni Bangsamoro regional director Police Brigadier General Allan Nobleza, padayon ang paghipos sa mga ebidensiya sa kapulisan aron mailhan ang mga nagpaluyo sa pag-atake.

Sa pagkakaron, gisuspenso ang tanang klase sa Mindanao State University samtang gipadako ang seguridad sulod sa campus.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -