Nagtalinaed iti quarantine facility ti gobierno municipal ti ili a Bangui ti nagpasitibo iti COVID-19 a taga Brgy. San Lorenzo ti nadakamat nga ili.
Nupay kasta, impatalged ni Ilocos Norte ABC Federated Pres. Elmer Faylogna nga asympthomatic ti nadakamat a pasiente.
Imbatadna a naiget a maipakpakat dagiti amin a ‘’precautionary measures’’ iti ili a Bangui.
Kabayatanna, impakaammuna nga amin a nakapulapol ti pasiente ket nag-negatibo iti rapid test ken iti swab test.
Kunana a dagiti nurses a nangtaming iti pasiente ti nagtalinaed iti home quanrantine.
Inbunannagna nga awan ti naipatungpal a lockdown iti uneg ti barangayda iti baet ti nasao a problema.
Innayunna a nupay napintas ti sasaaden ti pasiente ket agtultuloy ti naan-anay a panangmonitor dagiti kameng ti ‘’medical team’’ iti situasionna.
Mangnamnama ni Faylogna a negatibo ti pagresultaan ti sumaruno a pannakaisayangkat ti swab test iti nadakamat a pasiente. (OIC Rod G. Sadian, RPN DZRL Batac)
(Source: Provincial Government of Ilocos Norte)