Nagsugod na ang dakbayan sa Naga, Cebu pagpasiugda sa gitawag og Naga Barter shop subay sa ilang pagpatuman sa ordinansa nga nagdili sa paggamit sa “single use plastic”.
Ug gani, walo ka adlaw gikan sa pagmontar sa maong shop, nakatigom o nakabaylo na kini og mokabat sa 1,116 ka kilo o kapin sa usa ka tonelada sa mga basurang plastic.
Ang barter shop moilis og pagkaon sa mga sando bags, botelyang plastic ug ubang basurang plastic.
Apankinahanglan nga limpyo ug uga ang mga plastic waste ang pabayloan.
Nasayran sa matag tunga sa kilo o bisan one fourth lang sa kilong plastic nga madala sa shop, bayloan og kupon nga mahimong pailisan og prutas, utanon o bugas nga baleg P50 o tunga sa kilo.
Ang ibaylo nga kupon adto pailisi sa city government-accredited nga mga tindahan sa Naga People’s Market.
Ang Naga-Barter Shop anaa mahimutang duol sa Naga Youth Holding Center ug Naga Police Station.
Bukas ang shop gikan sa alas 8 sa buntag ngadto sa alas 5 sahapon, Lunes ngadto sa Sabado.
Apan gipasidan-an ang mga residente nga buot magpailis og plastic sa pagdalang sa ilang household card. l via Jhon Tadlip/JTY
Source: Naga City PIO
Photo: Analie Cabalhug