Gihulagway nga di na maayo ang kahimtang o dagan sa coronavirus disease o COVID-19 sa dakbayan sa Sugbo.
Human sa paspas nga pagsaka sa mga kaso matag adlaw, ang positivity rates sa siyudad padayong nagtungas sa milabayng buwan.
Niadtong tunga-tungang bahin sa Disyembre, nakatala ang siyudad og wala makaabot og one percent nga positivity rate o ratio tali sa ihap sa mga positibong kaso ug sa mga tawo nga gi-swab-test.
Gani, sud lang sa wala makaabot og30 ka adlaw, milapas na ang Cebu City sa gitawag og pandemic threshold sa WHO o World Health Organization nga 5 porsyento kay sa uwahing positivity rate mitungas na kini sa kapin sa7.6 porsyento.
Ang positivity rate maoy resulta sa 99 ka positive cases gikan sa 1,089 ka indibiduwal nga gi-swab niadtong Enero 26 kansang resulta migawas pagka ugma.
Si Konsehal Joel Garganera, pangu sa EOC o Emergency Operations Center, miingon nga nabalaka siya sa maong trend.
Nagtuo siya nga gumikan kini sa subsob nga contact tracing ug quick containment sa mga positibong kaso ug sa ilang mga gikaduol.
Midugang siya nga ang mga kaso maisip nga reflection sa kinaiya ug lihok sa tawo. l via Jhon Tadlip/JTY
Source: Emergency Operations Center-Cebu City
Photo: Jhon Tadlip
