Cebu City – Liboan ka mga Sugboanon ang misalmot sa gipahigayong Coastal Cleanup sa ika 35 nga tuig sa International Cleanup Day.
Sa isla sa Mactan diin nahimutang ang Dakbayan sa Lapu-Lapu, nagtinabangay ang sektor sa patigayon, public, urban poor ,mga scuba diver ug uban pa.
Si Lapu-Lapu City Mayor Junard Chan lakip sa nanghipos sa mga basura sa kadagatan, diin personal siyang mi ubog ug namunit sa nagkalain laing basura sa dagat.
Sa habig sa Mactan Channel, diin nag atubang sa Dakbayan sa Mandaue, ang Santa Maria Pusok Urban Poor Association o SMPUPA naka hipos ang ilahang mga membro ug sinakong basura sa itomon nang baybayon, diin nagbalay ang pipila ka mga membro sa maong asosasyon.
Si Brod Lolong Buaya ang SMPUPA President personal nga miabag uban sa iyang mga membro.
Ang maong kalihukan pormal nga gibuksan kagahapon pinaagi sa hamubo nga kalihukan isip tipik sab sa pagbukas na sa alang sa Turismo sa Dakbayan human masirado ang maong industriya gumikan sa pandemiya. l via Jhon Tadlip
(Source: Mayor Junard Chan/ Santa Maria Pusok Urban Poor Association)Â