Malampusong natigayon ang tinuig nga Muslim Community forum sa Provincial Convention Center nga gipanguluhan ni Gov. Sol Matugas inubanan ni Board Member Melva Garcia, Vice Governor Arturo Carlos Egay Jr., School’s Division Superintendent Gilda Berte ug Assistant School’s Division Superintendent Laila Danaque.
Ang maong aktibidadis gipartisiparan sa mga kaigsoonang Muslim dinhi sa probinsiya ug dakbayan sa Surigao sa pag-panguna na ni Mr. Aga Manangkiran, ang presidente sa Surigao Muslim Association.
Sa maong higayon mipaabot sa iyang mensahe si Vice Governor Egar Jr. diin giila niini ang dako nga kontribusyon sa muslim community sa probinsiya sa Surigao Del Norte sa natad sa ekonomiya.
Nagpaabot usab sa mensahe si Board Member Garcia nga nag-sentro sa pag-aghat sa mga kaigsoonang Muslim sa pagtukod ug kooperatiba tungod kay diin dako kini kayo ang maitabang sa mga kaigsoonang negosyante nga diin andam ang iyang buhatan nga mualalay niini.