MOU signing tali sa LGU-Dipolog ug DHSUD gipahigayon

0
1

Malampusong gipahigayon ang pinirmahay sa Memorandum of Understanding (MOU) tali na sa Department of Human Settlements and Urban Development (DHSUD) ug kagamhanang lokal sa Dipolog kagahapon, Enero 19 didto sa Top Plaza Hotel ning dakbayan.

Si Mayor Darel Dexter T. Uy kinsa mihatag sa iyang welcome address ang mipadayag sa iyang pagpasalamat ngadto ni Pangulong Ferdinand R. Marcos, Jr.,  lakip sa mga nagdumala sa nahisgutan nga ahensiya nga gihatagan og prayoridad ang Pambansang Pabahay para sa Pilipino Program tungod kay kini dugay na nga gipangandoy sa mga Informal Settler Families (ISF) dinhi sa dakbayan.

Dugang niini nga importante gayod kini aron mapahimutang usab kadtong mga nanimuyo sa mga flood prone ug hazardous areas ngadto sa luwas nga lugar aron dili na niini masinati ang ka peligro  panahon sa bagyo ug ting-ulan.

Ang Pambansang Pabahay para sa Pilipino Program maoy usa ka desenteng low-cost housing nga gitagana alang sa mga “underprivileged” aron sila makabaton ug permanenteng pinuy-anan. (V clip)

Kauban ni Mayor Uy atol sa pinirmahay mao sila si Engr. Albert S. Alimpulos, City Planning and Development Coordinator, konsehal Roger V. Asprer, Chairman sa Committee on Social Welfare and Urban Development, mga kadagkoan sa DHSUD sa pagpangulo nila ni USec. Roland Samuel T. Young ug RD Roland P. Eta sa DHSUD- Region 9 ug uban pang mga personahe niini. (RPN DXKD News Team | Dipolog-CIO)

LEAVE A REPLY

Please enter your comment!
Please enter your name here