Batac: RA 7171 dakkel ti maitulong na dagiti umili

0
1

Naruay dagiti programa ken napipintas a proyekto a plano nga ipatungpal ni Punong Barangay Teddy Rosqueta iti Barangay Cali, Dingras, Ilocos Norte iti daytoy a tawen 2023.

Segun kenkuana, karamanen ditoy iti nakasagana nga igagatang ti barangay iti maysa a rescue vehicle nga usaren ti barangay da kangrunaanna kadagiti makasapul a kabarangayan da.

Kunana a manamnama a maileppas pay dagiti madama a maar aramid a farm to market roads iti Barangay Cali a napunduan manipud iti RA 7171 wenno excise tax ti tabako.

Inbatadna nga adda ti pakpakuna a naited iti Barangay Cali a tallo a milyon a pisos manipud iti bingay da ti RA7171 a daytoy ti mausar a pangileppas kadagiti manarimaan a farm to market roads project tapno napinpintas ti pannakaibiahe dagiti produkto da manipud itt talon a maipan ti sentro.

Kunana a no bilang addan to manen maawat da a bingay manipud iti excise tax fi tabako ket usaren danto iti pannakatarimaan dagiti nadadael a kalsada a sakup iti barangay da.

Mangnamnama ti Punong barangay a maileppas da pay iti daytoy a tawen ti narugian a barangay hall da a napunduan iti 5.5 milyon a pisos agingga iti bulan ti Marso a pagyanan to dagiti opisiales ti barangay nga agserbi kadagiti kabarangayan da iti Barangay Cali iti 111 a Dingras. (Rod Sadian)

(Source: Provincial Government of Ilocos Norte)

LEAVE A REPLY

Please enter your comment!
Please enter your name here