31.8 C
Manila
Sunday, April 14, 2024

Moreno: “Virus Anaa Pa Sa Palibot Busa Di Mag-Kompyansa”

- Advertisement -

Bisan pa man giluagan ang quarantine level sa Cagayan de Oro, apan kusganong nanawagan si Mayor Oscar Moreno sa mga Kagayanon nga dili mag-kompyansa tungod kay anaa pa sa palibot ang Covid-19 virus ug naghulat lang sa oportunidad nga motakod kung maghugka ang atong depensa.

Ang panawagan gihimo sa mayor human gikabalak-an niini nga mosaka pagbalik ang mga kaso dinhi sa syudad kon ugaling mahimong kampante na ang katawhan sanglit gipaubos na man sa GCQ with heightened restrictions ang syudad sugod Oktubre 1 hangtud 31.

Matud pa ni Mayor Moreno nga dili pa karon ang tukmang panahon nga hugkaan ang atong depensa sa kaugalingon batok sa virus, ug kalimtan na dayon ang pagsunod sa minimum public health standards.

Giklaro ni Mayor Moreno nga ang giyera kontra Covid-19 wala pa nahuman, busa, angay hinumduman sa katawhan nga importante kaayo ang pagtinabangay ug kooperasyon sa tanan aron magpadayon ang pag-ubos sa mga kaso sa syudad.

Sa laing bahin, gitaho ni Dr. Gina Itchon, head sa Research and Development sa Northern Mindanao Medical Center, nga anaa na lang sa two-digit ang ihap sa mga Covid-19 admitted patients nga kasamtangang giatiman sa NMMC.

Sigun pa ni Dr. Itchon nga kini ang unang higayon nga nakasinati ang NMMC og two-digit number of admissions sukad sa bulan sa Abril ning tuig.

Basi sa weekly report ni Dr. Itchon kagahapon, mikanaog na ngadto sa 76 ka mga pasyente ang na-admit sa EREID section gikan Septiyembre 23 hangtud 29.

Mas ubos kini kung itandi sa 479 admissions gikan Septiyembre 1 hangtud 15, ug nagpadayon kini sa pagkanaog diin mitala na lang ang NMMC og 125 ka admitted patients gikan Septiyembre 16 hangtud 22, panapos ni Dr. Itchon.

(Source: Cagayan de Oro City Philippines Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -