Inay nga irisgo nato ang direktang intervention sa national government si Mayor Oscar Moreno nagmando sa City Health Office sa pagtanyag sa isolation units sa syudad ug temporary treatment management facility sa pagpagamit sa mga COVID-19 patients nga taga Iligan City. Mao kini ang gisugilon sa Mayor dugtong sa nagkataas nga coronavirus cases sa syudad sa Iligan.
Matud ni Moreno, angay nga likayan ang pagpunsisok sa Covid-19 cases sa Northern Mindanao Medical Center nga moresulta unya sa region-wide lockdown nga maghatag kalisod nga kahimtang sa katawhan sa Cagayan de Oro.
Base sa data sa Department of Health, ang Iligan City nakarehistro sa 27 ka Covid-19 positive cases gikan Agosto 3-9, misaka sa 11 ka kaso gikan niadtong Agosto 2.
Subli nga gisugilon ni Moreno nga ang papel sa NMMC isip referral hospital sa Northern Mindanao alang sa Covid-19, dili pasulabihan ang utilization rate care niini sa sobra pa sa iyang makaya aron dili kini mabutang sa alanganin. Kinahanglan ato kini nga protektahan kay nahasusama kini sa usa ka barko nga atong gisakyan nga angay lamang ato tabangan aron dili kini maunlod, dugang pa sa mayor.
Sa kabahin ni NMMC liaison officer Dr. Bernard Julius Rocha sa usa ka press briefing nga sa pagkakaron nagpadayon ang pag-upgrade nila sa ilang mga facilidad sa pagtuo nga modaghan pa ang mga pasyente sa higayon nga ang nasudnong kagamhanan molibkas na sa ilang enhanced community quarantine (MECQ) sa National Capital Region. (City Information Office)