29 C
Manila
Saturday, April 20, 2024

Modular Learning System, Napintasen Iti Annayas Na Ditoy Probinsia

- Advertisement -

Napalaos iti panagyaman ni Ms. Cherry Joy Garma, information officer ti DepEd-Ilocos Norte mainaig iti napintas nga annayas wenno awanen iti maaw-awatda a reklamo pakaseknan iti modular learning system.

Kinunana, nga apaman nga adda tumpuar a problema wenno reklamo mainaig iti nasao a sistema, insigidada a pakatan iti aksyon tapnon iti kasta maresolbar daytoy.

Segun kenkuana, ti makitkitada laeng a problema ket iti delivery and retrieval a no sadinno adda dagiti paset wenno lugar a saan madanun dagiti LGU’s wenno Brgy. Officials gapuanan ta adda dagiti awanan iti lugan.

Gapu ken daytoy a pasamak, napagnunumuanda a ti mangisursuro iti mapan mangidanun ti module ti ubing wenno dagitay nagannak iti mapan mangala.

Kabayatanna, ginutigot ni Ms. Garma dagiti nagannak a no wen ket mabalin saan da unay as-asistaran dagiti annakda pakaseknan kadagiti modules a maipatpatulod kadagiti estudyante nangnangruna dagiti adda iti grade school tapnon agtultuloy met laeng iti learning process dagiti ubbing

Author: Alyssa Pagdilao, RPN – DZRL

Source: PGIN

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -