CAGAYAN DE ORO CITY- Ang health department sa Northern Mindanao mivalidate kagahapon sa 101 ka mga bag-ong infections sa coronavirus, pinakadaghan sa usa ka adlaw sa milabay’ng tulo ka bulan nga maoy nakapahimo sa cumulative Covid-19 case ngadto sa 8,133 sukad sa bulan sa Marso sa miaging tuig. Ang Covid-19 briefers sa Department of Health Region 10 nag-indicate nga ang average daily infections moabot sa 37 ka kaso sa unang napulo ka adlaw karong tuiga.
Ang 101 confirmed cases sa miagi nga natally mao niadtong Oktubre 28 ug ang kasagara nga nadetect sa usa ka adlaw mao ang 150 ka kaso niadtong Octubre 13 sa miaging tuig. Niadtong bulan sa Oktubre nasinati nga adunay pinakataas nga kasong Covid-19 nga miabot sa kapin sa 60 ka kaso matag adlaw.
Sayo niini, nagpasidaan na si Dr. Adriano Suba-an, ang regional director sa DOH-10 labot na sa pagsaka sa kaso kon dili sundon ang minimum health protocols niadtong panahon sa Pasko ug bag-ong tuig nga selebrasyon nga dili kalikayan ang pagtapok-tapok.
Sa miaging semana, nareport ang kalit nga pagsaka sa infection sa Kauswagan, Lanao del Norte ug Oroquieta City sa Misamis Occidental diin matud ni Suba-an kini posibleng bunga sa mga parties ug reunion niadtong bulan sa Disyembre.
Kagahapon nga 101 new virus carriers gilangkoban sa 93 ka mga lokal nga residente ug walo ka lain pang naclassify nga returning overseas Filipinos o dili ba kaha locally stranded individuals.
Ang mga bag-ong nasuta nga natakbuyan sa Covid-19 mga symptomatic ug asymptomatic gikan sa Misamis Occidental-33; Cagayan de Oro-29; Bukidnon-15; Misamis Oriental-14 ug Iligan-10. Walay taga Camiguin ug Lanao del Norte ang gitaho nga natakbuyan sa Covid-19 kagahapon. (Gin Serohijos/DOH-10)