Mabulokung nahimo kaniadtong Nobyembre 13, 2024 ang pagpirmahanay sa usa ka Memorandum of Agreement (MOA) sa duha kahabig sa kagamhanang lokal sa Dipolog ug sa Bureau of Jail Management and Penology, didto mismo sa opisina sa Mayor ning dakbayan sa Dipolog.
Ang gihimong pagpirma nila ni City Mayor Darel Dexter T. Uy ug nila ni City Jail Warden, Jail Chief Inspector Manuel U. Calibo ug Wardress, Senior Jail Officer 4, Prima T. Magallanes sa Female Dormitory,ug anaa ang tanang presensya sa mga opisyal dinha sa Dipolog City Jail.
Ang nahisgutang nga MOA kini matud pa gapalig-on sa kasabutan tali sa siyudad sa Dipolog ug sa BJMP, ang kabahin na sa seguridad sa mga “Persons Deprived with Liberty” (PDLs), ilabi na sa tinguha nga kanunay nga healthy ang matag pinireso.
Ang gihimong pagpirma sa nasangpit nga MOA aduna kini Resolusyon no. 24-916 diin giaprobahan sa Sangguniang Panlungsod ning siyudad, ilawom sa pangagamhanan ni konsehal James Cyril Ruiz III, nga maoy gihatagan sa katungod ni City Mayor Darel Dexter T. Uy alang sa usa ka kasabutan sa duha kahabig sa Bureau of Jail Management and Penology (BJMP) mahitungod na sa pagkoordinar alang na sa pagpatambal o pagdala sa tambalanan sa atong mga PDLs, sa Corazon C. Aquino Hospital, sa panahon nga sila adunay gipangbati sa kalawasan.
Kahinumduman nga ang maong tumong o lakang nasuta kini sa mga opisyales ning siyudad ang kamatuoran nga kasagaran sa atong mga PDLs ang naga-gikan sa kapobrehon nga pamilya, hinungdan nga angay lang gayud nga hatagan sila ug dakung pagtagad nga tabangan ilabi na sa panahon nga sila adunay problema sa panglawas,Ug matud pa pinaagi sa serbisyo gikan sa Corazon C. Aquino Hospital, nga iya sa kagamhanang lokal ning atong siyudad, nga usa ka tertiary hospital nga nakaangkon sa maayo nga panerbisyo sa natad sa medikal alang sa tanan katawhan. (Angelica T. Obina)
(Source: Dipolog City Government)