Misamis Oriental – GIPANGUNAHAN sa Misamis Oriental ang Seal of Good Local Governance sa amihanang mindanao.Kini ang pinakaunang higayon nga halos katunga sa gidaghanon sa mga LGUs ang mga miangkon sa SGLG award. Una nang gimando ni Governor Peter “Sr Pedro” Unabia sa mga LGUs pagsiguro nga mabati sa katawhan ang mga SGLG indicators subay sa tinguhang makubsan ang kalisod sa probinsiya.
Gawas sa probinsiya, ang ubang awardee gilangkuban sa Alubijid, Balingasag, Balingoan, Binuangan, Claveria, Laguindingan, Magsaysay, Medina, Naawan, Opol, Salay, Sugbongcogon ug Villanueva ug mga dakbayan sa Gingoog ug El Salvador.
Ang SGLG mao ang pinakataas nga rekognasyon sa DILG nga nag-ila sa maayong pagdumala sa kagamhanan.
Ang mga governance areas sa SGLG gilangkoban sa Financial Administration and Sustainability, Disaster Preparedness, Social Protection and Sensitivity, Health Compliance and Responsiveness, Sustainable Education, Youth Development, Tourism, Heritage, Development Culture and Arts, Environmental Management, Safety, Peace and Order ug Business Friendliness and Competitiveness.
Una nang gibutyag ni Governor Peter “Sr. Pedro” Unabia nga kinahanglang mabati sa katawhan ang gilatid nga SGLG indicators.
Kahinumdumang ulahi nga nahimong SGLG awardee ang probinsya sa mga tuig 2015 ug 2017.