Patay an isa ka miyembro sa Special Cafgu Active Auxilliary kon SCAA. Kini human gi-ambush sa gituohang miyembro sa Communist Terrorist Group (CTG) sa pagpanguna ni Ruel Neneil aka JACOB ubos sa GF16C NEMRC. Nahitabo an pagpang ambush didto sa Urbiztondo Ridge, Sitio Capangdan Farm to Market Road, Brgy. Urbiztondo, Claver, Surigao del Norte sa alas 3:15 sa hapon, Abril 15, 2021.
Nakilay-an an biktima nga si Renel Paray Natad, 27 anyos, layaki, ulitawo, miyembro sa Special Cafgu Active Auxilliary SP2 Patrol Base,1st SCAA Company Taganito, residente sa Sitio Tayawod, Barangay Daywan, Claver, Surigao.
Sumaya sa report nasayran nga sa alas 5:00 sa hapon nakadawat ug tawag an kapulisan sa Claver pinaagi ni Hon. Larry Escotin ug nagpahibayo nga may pagpamusil nga nahitabo. Human nadawat an report dali girespondihan sa kapulisan sa pagpanguna ni PMAJ NIRA B PEROCHO an insidente ug nagpositibo an maong taho.
Basi sa imbestigasyon ni PSSG Barry B. Sumampong, sakay sa motorsiklo an biktima pabalik sa patrol base. Pag-abot sa lugar nga nahitabo, gi-ambush an biktima sa kapin kon kuyang upat ka mga armadong layaki. Tungod niini, nakaangkon ang biktima og daghang samad pinusilan hinungdan sa ija kamatayon. Dali isab misibat an mga suspetsado.
Narekober sa crime scene an isa (1) ka empty shell sa AK47 sanan isa ka (1) lead sa AK47 ug tag daya sa Claver MPS para na sa dugang nga imbestigasyon. Sa pagka kuman an patay’ng lawas sa biktima an jaon sa Arpilleda Funeral Parlor para sa Post Mortem Examination. (Mark James C. Lisondra, Ronda 21)