Dili kadto sila bag-o lang mitahan sa armadong kusog sa nasud. Dugay na silang mitiwalag sa Communist Terrorist Group pero karon pa sa DILG narelease ang ila financial assistance mao nga niadtong miaging adlaw pa nahatag sa ila an mga benepisyo.
Sumala ni General Banzon, wala ang kasundalohan mag-ingon nga bag-o lang sila nagsurrender. Ang mga bag-o lang nagsurrender, naghulat pa sa release sa ila mga financial assistance.
Gitubag ni General Banzon ang akusasyon ni Ka Leo de Guerra o sa tinuod nga ngalan Rino Colaste, tigpamaba sa CTG Guerilla Front 16 nga miingon nga recycled ang mga gipresentar nga former rebels.
Samtang anaa pa karon sa kustodiya sa militar an mga kanhi rebelde aron maproteksyonan sila human nahatagan sa mga benepisyo sa gobyerno pinaagi sa E-CLIP kon Enhanced Comprehensive Local Integration Program.
Nagpasalamat usab si General Banzon nga maisogon misaysay ang mga rebel returnees sa pagtug-an sa tinuod sa ilang mapait nga experyinsiya samtang didto sila sa CPP NPA NDF Communist Terrorist Group.
Tagwarningan isab ni Banzon kadtong mga netizen nga nagkomento nga moentra pagka rebelde dayon mosurrender aron makakuwarta. Dili basta basta mahatagan sa financial assistance ang rebel returnee tungod kay moagi pa kini ug daghang proseso o evaluation.
Nagkahinay na ang pwersa sa NPA dinhi sa Surigao del Norte ug gani matud ni General Banzon nahutdan na sila ug supply sa bala sa AK47 tungod sa subsob nga kampanya sa gobyerno pagmonitor kinsa ang mga supporter sa mga terorista. (RPN DXKS Surigao)