GIKORONAHAN isip 61st Miss Cagayan de Oro si Miss Kriezl Jane Vitorillo Torres gikan sa Brgy Tablon atol sa gipahigayon nga Miss CDO Pageant Finale, Sabado, Agosto 22 diha sa Atrium, Limketkai mall, ning syudad.
Gisaksihan mismo nila City Mayor Rolando ‘Klarex’ Uy ug pipila ka mga myembro sa 21st City Council kauban ni Miss CDO Chairperson City Councilor Gilda Go ang tinuig nga Miss CDO pageant.
Nasayran ang Miss CDO kanunay nga usa sa mga gihan-ay sa kagamhanang lokal pinaagi sa City Tourism and Cultural Affairs Office (CTCAO) isip usa sa mga core events alang sa month-long celebration sa Higalaay Festival 2026 alayon sa kapistahan ni Senyor San Agustin, ang patron sa Cagayan de Oro.
Naangkon usab ni Miss CDO 2026 ang pipila ka mga special awards ilabina ang Miss Ciao Bella ug Ambassadress of VjANDEP Paster 2026.
Gani, nasakmit usab niini ang award nga Best in Gown Design nga ginama sa usa ka local fashion designer nga si Juniel Doring kinsa usa ka muembro sa Oro Fashion Designers Guild ning siyudad.
Sa laing bahin, nahimong usab nga Miss CDO 4th Runner Up si Trisha Salvani Abalos gikan sa Brgy Carmen, 3rd Runner Up si Erika P. Gabutan gikan sa Brgy Lapasan, 2nd Runner Up si Zusmitha Sheen E. Itum gikan sa Brgy Cugman ug 1st Runner Up si Noreen Ashely P. Cabonialda gikan sa Brgy 17.
Sa laing bahin, mitunol usab si City Information Officer Jade Adeser kauban si Ms. Xsyclyn Faith B. Lumbatan, ang Secretary to the Mayor of the City Mayor’s Office sa ‘Darling of the Press’ award kay Ms Kriezl Jane Vitorillo Torres kinsa napili sa mga local media atol sa gipahigayon nga Miss CDO Press and Public Presentation sa milabay’ng bulan.
Sa maong event, nahimo usab nga pageant judges sila si Miss Cosmo 2025 Runner Up Chelsea Fernandez isip Chairman of the Board, Mr Alvin P Biton, ang Managing Director sa APB Marketing, Mr Viel P Jose, ang Chief Executive Officer sa VjANDEP Ventures, Inc., RD Mae Salvana Unchuan, ang Regional Director sa Department of Tourism-Region X Northern Mindanao ug si Ms Marietta V. Magallones, ang Vice President for Sales and Marketing of CLIMBS Life and General Insurance Cooperative.
Source: CIO CDO