Nakabsan sa kinabuhi an isa ka misis na biktima sa pagpamusil didto sa Purok 4, Brgy. Daywan, Claver, Surigao del Norte.
Sumala sa kapulisan sa Claver Municipal Police Station, nadawat nila an tawag gikan sa concerned citizen alas 9:30 sa gabii, Marso 24, 2021 nga dunay nabiktima sa pagpamusil.
An biktima dali tagdaya sa Caraga Regional Hospital nakilay-an na si Misis Gertrudes Reges Mellang, 43 anyos minyo samtang an suspetsado nakilay-an na si Barangay Kagawad Rene Creencia Pepino, 52 anyos may ka live-in sanan residente sa Purok 4, Daywan Claver.
An panghitabo matud sa mga nakasaksi, mikadto an biktima sa bayay nan Kagawad diin idja tagsukmatan ngano tagsummonan sija sa barangay. Human sila nagkatinubagay, misuyod sa bayay si Kagawad Pepino dajon sa idja paggawas gamit an isa ka waya matino na armas, tagpusil an biktima. Naigo ini sa ubos na bahin sa waya na dubdub dajon dali tagdaya sa Caraga Regional Hospital pinaagi sa ambulansya sa Bureau of Fire Protection.
Pagka alas 10:15 sa buntag, Marso 25, 2021 nakabsan sa kinabuhi an biktima. An suspetsado nadakpan sa pagka alas 4 sa hapon.
(RPN DXKS Surigao with spot report from Claver PNP and interview of sister of the victim)
