Cebu City – Giangkon ni Lapu-Lapu City Mayor Junard Chan nga nakamugna og kalibog ang iyang post kagahapon kalabot sa pagparehistro sa National ID sa Registration Center diin nalatid nga i-accommodate ang tanang mga aduna nay appointment slip nga nasulod ang petsa sa tuig 2020.
Matod ni Chan nga adunay miscommunication tali sa usa sa mga staff sa Philippine Statistics Authority (PSA) ug sa iyang bahin kagahapon.
Giklaro karon sa Mayor nga ang mga nalista pa niadtong Nobyembre 25-27, 2020 ang i-accommodate.
Mao kini ang schedule nga sundon:
MARCH 18, 2021 | (Old schedule: November 25, 2020):
– Agus, Bankal, Basak
MARCH 19, 2021 | (Old schedule: November 26, 2020):
– Agus, Bankal, Basak, Gun-ob, Buaya, Calawisan, Canjulao, Ibo, Maribago, Marigondon, Pajac, Pajo, Punta Engaño, Pusok
MARCH 20, 2021 | (Old schedule: November 27, 2020):
– Agus, Bankal, Basak, Gun-ob, Buaya, Calawisan, Canjulao, Ibo, Maribago, Marigondon, Pajac, Pajo, Punta Engaño, Pusok, Mactan
VENUE: Lapu-Lapu City Sports Complex (Beside City Hall)
TIME: Registration starts at 7:30 a.m.
Pahinumdum ni Chan sa pagdala sa appointment slip, valid ID, ug original supporting documents (Birth certificate, marriage contract, etc.).
Required usab ang pagsul-ob sa face mask ug face shield.
Giawhag niini ang mga magpa rehistro nga dili magsul-ob og puti nga sanina.
” Sa mga wala pa nalista ug kadtong adunay laing schedule, magpaabot lang ta sa announcement sa Philippine Statistics Authority alang sa sunod nga proseso,” mensahi ni Chan. (Jhon Tadlip/JTY)
(News & photo courtesy of Lapu-Lapu City Public Information Office)
