CAGAYAN DE ORO CITY- Gitinguha karon sa probinsya sa Misamis Oriental nga mamahimong numbero uno nga producer sa abaca planting materials sa tibuok kalibutan.
Sa gipagula nga pamahayag ni Provincial Agriculture Office Head Apollo Pacamalan, kini nagkanayon nga target sa probinsya nga masuplayan ang world market sa maong produkto sa dili pa matapos ang termino ni Gov. Bambi Emano sa tuig 2022.
Sa pagkakaron, mas gipaspasan ang tissue culture laboratory aron mas paspas pa ang pagproduce sa planting materials nga diin ang Misamis nagasupply na niini karon sa entiro region 10.
Adunay laumang usa ka gatos ka libo ngadto na sa dos syientos ka libo ka mga abaca planting materials ang gipaabot nga moproducir niining tuiga sa 2019 aron matanom sa ilawom sa kalubihan nga gi-identify sa Department of Agriculture nga wala panamni.
Nasayran nga gitinguha sa probinsya nga makakuha sa 50 ngadto sa 80 ka ektarya nga luna sa yuta nga katamnan sa abaca aron makuha ang world market.