Minor Allergies, Palpitation Nasinati Sa Mga Nabakunahan Sa NMMC

Mokabat na sa 910 ka mga personahe sa Northern Mindanao Medical Center (NMMC) ang nabakunahan sa 1st dose sa Sinovac vaccine sulod sa tulo ka adlaw nga vaccination roll-out sugod Marso 5, 2021.

Sa taho ni Dr. Bernard Juluis Rocha, liaison officer sa NMMC adunay 265 nga nagpabakuna sa unang adlaw samtang 326 ug 319 sa ikaduha ug ikatulong adlaw sa vaccination.

Dugang ni Rocha nga unom ngadto sa walo sa mga nabakunahan nakasinati og pagtaas sa blood pressure, palpitation ug minor allergic reactions apan dili kini serious condition.

Ang vaccination roll out sa NMMC hangtud lamang ugmang adlawa, Marso 9

Malaumon si Dr. Rocha nga ilang makuha ang target nga 80% sa mga empleyado sa NMMC ang mabakunahan batok COVID-19. (City Information Office)