Davao de Oro – Patay ang tulo ka indibidwal samtang samdan ang unom human nga mahog ang sakyanan sa Philippine Army sa usa ka sapa sa Purok 12, Sityo Langag, Andap, New Bataan, Davao de Oro.
Giila ang namatay na mga biktima nga silas CAA Reynald Balaga, PFC Jaynor Makakua ug CAA Ferlan Conception samtang ang mga naangol giilang silas CAA Jay Ar Bale, Cpl Emil Joy Mission, Sgt Michael Arzaga, 1Lt Fidel Castro Jr., Pvt Jonel Alvarado ug CAA Kim Ardel Castro konsa mga sakop sa 25th IB, 10th Infantry Division, Philippine Army.
Sumala sa report, sakay ang mga biktima sa usa ka KM 450 Military Vehicle kung asa motambong unta sa gipahigayong groundbreaking ceremony sa Sitio Bamboo ug Sitio Boston, Barangay Andap, New Bataan.
Dugang niini, nga posibling nawad-an ug kontrol ang gidalang sakyanan sa mga public servant.
Sa karon, nagpadayon pa ang imbistigasyon sa nahitabong insidente. (Camille Santos Naraga)
(Source: New Bataan PNP)