28.6 C
Manila
Friday, March 29, 2024

Mga Stranded Na Jaon Sa Brgy. Lipata Waya Makadajon Paglarga, Tagbalibaran Nan Kagamhanang Lokal Nan Southern Leyte

- Advertisement -

Waya makadajon paglarga jadton 42 ka mga na stranded na individual na jaon natipon sa Brgy. Lipata na tagtabangan unta nan lokal na pangagamhanan nan ciudad Surigao na makabiyahe na patabok ngadto sa Southern Leyte.

Ini human makadawat nan abiso na dili pa tugutan nan lokal na pangagamhanan an pagsuyod sa ila probinsia nan ini na mga tawo. Dinhi dako an kasagmuyo nan mga nastranded na nahadlok na sa ila kahimtang bisan pa man sa pag-atendir nan lokal na pangagamhanan nan ciudad pinaagi kan Mayor Estong Matugas sanan Atty.Manuelito Delani.

Laong nan mga ini na mas magana gajod unta jaon jadto sa imo kaugalingon paghuya inin panahon nan krisis, iban sa tibuok pamilya.

Sa video an tipik sa pamahayag nan isa sa mga stranded na taga Sogod, Southern Leyte. Samiya Usman.

Samtang dako isab an kahingawa ni Atty. Manuelito Delani na sa ila paningkamot na matabangan sa pagpauli sa mga nastranded sa brgy. Lipata, waya mosaler sa mga kadagkuan nan Southern Leyte na nagmagahe sa ila barugganan na dili magpasuyod sa ila probinsia bisan sa inin panahon na nan GCQ.
Matud pa ni Atty Delani na subay sa direktiba nan Presidente, an Presidential Directive 2020-0129-0130, “wayay bisan sin-o na Pilipino an hikawan sa katungod na makabalik sa ila mga lugar na tag huy-an.” (Jhino Parrucho|Ronda 10|RPN DXKS)

Link: https://www.facebook.com/RPNSurigao/videos/289808075353807/Top of Form

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -