33.8 C
Manila
Friday, March 29, 2024

City Administrator, Atty. Jerry Centro May Reaksion Sa Pagpandakop Nan Ltfrb Sa Mga Multicab Na Namasahero Dinhi Ciudad Surigao

- Advertisement -

Kahapon, Mayo 7, 2020 nohimo nan operasyon pagpandakop an LTFRB Caraga Regional Office sa mga namasahero na mga Multicab dinhi sa ciudad Surigao.

Rason matud pa na sumaya sa tag issue na citation ticket nan LTFRB ngadto sa nadakop na mga driver, breach of franchise, o waya pagsunod sa prangkisa. Tagbasehan nan LTFRB Caraga an ila kaugalingon na Regional Office Circular No. 2020-018 pinetsahan Mayo 1, 2020, na nagkantar na base sa LTFRB en banc resolution, an guidelines sa public transportation sa mga lugar ubos sa GCQ, kun diin nahimutang didto na sa panahon nan GCQ, an operasyon nan public transportation ipahimutang ra sa limitado na kapasidad na tugutan lamang sa mga rota na itudlo o aprubado nan DoTr o nan mga rehiyunal na opisina nan LTFRB.

Sa naasoy na direktiba para sa ciudad Surigao sa rota na Loop 1 downtown, napuyo ra ka units na 9seater na UV na ija sa HATSCO an may pagtugot.

Sa naasoy na sitwasyon, tagsulti ni Atty Jerry Centro, an City Administrator na an taghimo nan LTFRB Caraga kinaugalingon, wayay pagkunsulta o bisan pagpahibayo sa kagamhanang lokal na mamahimong apektado an katawhan sa ini na taghimo nan LTFRB. (Jhino Parrucho|Ronda 10|RPN DXKS)

Link: https://www.facebook.com/RPNSurigao/videos/539370026949592/

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -