Mas gipahugtan pa og samot sa lalawigan ang mga lakang sa pagpakgang sa makamatay nga Covid-19 human adunay laing duha ka UK variant ang nakasulod ug natala na sa lalawigan sa Misamis Oriental.
Gibutyag ni Provincial IATF Chief Dr. Jerie Calingasan nga kanunayng magbinantayon ang tanan aron dili malakip sa nagkataas nga ihap sa kaso niini.
Ubos sa mandato gikan sa nasyonal nga kagamhanan nga mabatonan ang herd immunity kon pangkinatibuk-ang seguridad batok CoVid-19 subay sa prioritization framework sa vaccination process, walay puas ang pag-implementar sa mga lakang sama nalang sa pag-awhag sa mga komunidad nga magpabiling mosunod sa mga standard minimum health protocols.
“The signs and symptoms of all these variants are just the same with the original strain, but cough is the most common symptom followed by tiredness and muscle aches. Loss of taste and loss of the sense of smell are less likely compared with the original Corona Virus,” pasabot ni Dr. Calingasan.
Gidugang sab sa Provincial IATF Chief nga ang CoVid variants mas bantayunon tungod kay paspas kining makatakod kung magkumpiyansa ang tanan.
Subling gipahimangnoan sa kagamhanang probinsyal ang katawhan nga dili mahimong kampante.
Taliwala niining laing hagit sa Covid-19 pabiling positibo ang amahan sa lalawigan Gobernador Bambi nga mapukan kini nga virus pinaagi sa kooperasyon sa katawhan ug padayon nga pagtuman sa mga insaktong gabayan. (PHO-MisOr)