Radio Philippines Network
DXKD Dipolog News Provincial News

2nd Quarter Meeting Sa City Peace And Order Council Gipahigayon

Malampusong gipahigayon ang 2nd Quarter Meeting sa City Peace and Order Council kon CPOC kaniadtong Abril 30, adlaw’ng Biyernes, ning tuiga didto sa Isaias Function Hall, Top Plaza, ning dakbayan nga nagsugod sa may alas-10:00 ang takna. Ang maong kalihokan ang gipangunahan sa buhatan sa Department of the Interior and Local Government (DILG) ning dakbayan ilawom sa pagdumala ni DILG City Local Government Operations Officer, Ms. Sherrie Charlota Machutes.

Ang nasangpit nga tigum ang gitambongan nila ni City Mayor Darel Dexter T. Uy, kinsa mi-preside sa maong meeting ug Vice Mayor Horacio B. Velasco, kinsa mihatag sa ilang mga panglantaw, sugyot ug opinyon alang sa pagpalambo sa seguridad ug kalinaw dinhi sa dakbayan.

Lakip usab sa mitambong sila si Dipolog City Chief of Police PLTCOL Gilzen Niño R. Manese, Assistant City Social Welfare Development Officer, Ms. Jovencia D. Orilla, Sicayab Punong Barangay, Hon. Julius B. Gajonera, Schools Division Superintendent Virgilio P. Batan Jr., DPWH 1st Engineering District Administrative Officer III, Mr. Roseller B. Morallo Jr., City Prosecutor, Atty. Herminia C. Enero, DAR Chief GSO, Mr. Ricardo M. Abad, NCIP Officer, Mr. Pedro S. Gumalal, Mr. Hipolito C. Dalmacio gikan sa buhatan sa City Health, OIC – SP Secretary, Ms. Nancy R. Sorronda ug City Information Officer, Mr. Lorenzo A. Aseniero II.

Tipik sa gihisgutan sa maong panagtigum ang datus sa City Ordinance No. 20-297 Implementation (Abril 2020 – Abril 2021) kung diin nasayran nga adunay 11,891 ka mga tawo nga nakalapas sa maong ordinansa ang nadakpan, 6,530 ang nakabayad sa ilang “citation ticket” ug 2,998 ang naka-agi og “community service”. Nasayran usab nga ang kasagarang nahimo nga mga kalapasan batok sa nasangpit nga ordinansa mao ang pagdumili sa pagsunod sa DOH/City Protocols, paglapas sa “Public Protection Hours”, paglapas sa “Public/Private transportation protocols/laws/rules”, dili pagsul-ob og “facemask” ug pagdumili o kapakyasan sa pagsunod sa “social distancing”.

Gituki usab ni PLTCOL. Manese ang kabahin sa Peace & Order and Public Safety Situation Report alang sa Dipolog PNP ilawom sa kasamtangang pag-implementar sa Bubble Setup dinhi sa dakbayan, lakip na ang kahimtang sa mga “checkpoints” niini ug ang mga tinguha may kalabot sa dugang pagpalambo ug mahimong episyente ang pagpatuman sa mga tahas sa kapolisan.

Nagpadas-ug usab og duha ka mga resolusyon si Vice Mayor Velasco nga mao ang paghangyo ngadto sa Provincial PNP Director nga mahatagan ug dugang nga mga personahe ang Dipolog City Police Station alang sa pagpasayon sa mga checkpoints niini partikularmente na didto sa Brgy. Sicayab ug Punta ug ang pag-apelar ngadto sa mga “civic organizations” nga matabangan sila kabahin niini.
(City Information Office-jnp)

Related posts

Mga Kapitan sa CDO gibaharan sa PDEA-10

RPN News

Mga Motorsiklo Nagka-banggaay

RPN News

Konsehal Nanawagan Nga Mapadali Ang Auyda Ngadto Sa Apektado Sa ASF

RPN