Cebu City – Nakadawat na sa ilang financial assistance ang mga senior citizens sa Dakbayan sa Sugbo kinsa wala mahatagi sa Marso ug Mayo nga tranche didto sa Cebu Coliseum sugod kagahapon Agosto 29, 2020.
Matod ni Cebu City Mayor Edgardo Labelle nga ang taga South District midawat sa financial aid sugod kagahapon ug hangtud kini sa Agosto 31, 2020.
Samtang ang taga North District maka kuha niini gikan sa September 1, hangtud sa September 3, 2020.
Subling pahinumdum ni Labella nga kadto lang authorized representatives ang tugtan nga maka claim alang sa mga seniors tungod kay gidili pa ang ilang pag gawas.
Gisiguro sa kagamhanan nga ang mga mahinungdanong health protocols kinahanglang masunod sa tanang proseso sa pag apod apod.
Gipahibaw sab sa mayor nga mosogod na pod sila sa pag apod apod karong Septembre 5, 2020, alang sa Hunyo hangtud sa Agosto nga hugna sa financial assistance sa mga beneficiaries.
Ipaagi kini sa house to house paghatag kasayon sa mga seniors ug pag protehir nila sa risgo diha sa gawas. (Jhon Tadlip)
(Source: Cebu City Public Information Office)