Mga Senior Citizen Sa Sarangani Province Nakadawat Na Sa Ilang July To December Social Pension Sa DSWD

Nadawat na sa mga kwalipikadong senior citizen sa probinsya sa Sarangani, nakauna ang mga taga-Barangay Lumasal, Maasim, ang ilang second semester social pension gikan sa DSWD tag-P500 ang matag bulan para Hulyo hangtud Disyembre karong tuiga.

Gikalipay kini sa mga katigulangan ug ilang kabanay aron maka-ayuda sa mga galastuhan hilabi na nga nagpadayon pa ang mga border lockdown ug community quarantine.

Una ng nagpasalamat si Governor Steve Chiongbian Solon ngadto ni DSWD 12 Regional Director Cezario Joel Espejo tungod sa maayo nga partnership sa LGU Sarangani ug DSWD. Naka-schedule na ang pagpanghatag sa ubang munisipyo sa Sarangani Province. (Provincial Information Office – Sarangani)