Tanganing maseguro na dai magugutom an mga risedentes sa sarong zona sa brgy.san isidro na padagos ngunian na naka lock down, an local na gobierno kan Iriga an padagos na sinisimbag an saindang pagkakan asin pangagaipo sa pan-ara aldaw, dai sana magpararuluwas hasta sa matapos an quarantine sa sainda.
Kasu-odma sobra sa 500 na mga households an nakinabang sa relief goods na ibinariwas kan City Hall sa Diamante st.,kun sain hali an inot na tulong kaso kan covid19 sa cuidad nin Iriga.
Alagad, yaon man giraray an pagsunod sa protocol mientras na binabariwas an sinambit ng ayuda sa mga risedentes na kinababalihan kan limang kilong bagas, duwang pakete nin pansit bato, twin pack coffee asin dressed chicken.
Labi labi man an pasasalamat kan mga risedentes sa sinambit ng ayuda na mismong pinanginutan ni Mayor Madel Alfelor an distribution kaiba an pamayo kan DSWD Maridel Verosa asin CDRRMO Chief Mariser Almelor.
-M. Barayoga–