Cagayan de Oro City – Ang mga residente ug bisita sa syudad sa Cagayan de Oro gi-awhag sa pagdonate ug cash or in kind ngadto sa mga pamilyang naapektuhan sa bagyong Rolly ug Ulysses sa Luzon. Mao kini ang panawagan ni City Administrator Teddy Sabuga-a atol sa flagraising sa City Hall kagahapon uban sa pagsugilon nga ang mga donasyon mahimong ihatud sa City Social Welfare and Development Office o CSWD.
Ang CSWD nagpahimutang sa usa ka reception center sa Gaston Park diin ang mga donasyon sa publiko mahimong itunol pinaagi niini. Adunay resibo ang ihatag ngadto sa mga donors ug sa mga donasyon nga ipangtunol.
Base sa report sa pagkutlo ning maong report, moabot na sa 40 ka mga tawo ang namatay sa paghapak sa bagyong Ulysses pipila ka adlaw mihapak ang bagyong Rolly nga maoy hinungdan pag-awas sa tubig sa suba sa Luzon hinungdan sa pagbaha nga diin daghang pamilya ang namakwit gikan sa ilang pinuya-anan. (City Information Office-Cdeo)