Mipadayag sa ilang dako nga kalipay ang mokabat 252 ka mga pamilya sa Barangay Tag-ulo human gihatud mismo sa kagamhanang lokal sa dakbayan sa Dapitan ang mga ayuda.
Pipila ka mga residente lakip na sila Kagawad Crispiniano Sumalpong, Brgy. Coordinator Mary Jean Omilig, ug Charlo Tinambacan ang mipaabot sa ilang dako nga kalipay sa serbisyo nga nahidangat sa lima ka mga purok.
Naglangkob niini mao ang nga purok sa Upper Guba, Pagatpatan, Kapilya, Parola ug Bitoon nga adunay 252 ka mga pamilya.
Susama sa mga nadawat nga ayuda sa ubang kabarangayan nga una nang nagpakadawat, wala’y pagpihig ug bulok sa pulitika ang mga nakasinati sa 5 ka kilo nga patsadang bugas, 5 ka sardinas ug 5 ka noodles didto sa Brgy. Tag-ulo.
Nahidangat si kanhi kongresista Seth Frederick “Bullet” Jalosjos aron masuta ang tukma nga pagpahamtang sa programa ni Mayor Rosalina Jalosjos ngadto sa mga katawhan ilabina panahon sa pandemya.
(News & photo courtesy of CITY INFORMATION DIVISION-CID-Dapitan City Facebook page)