Ang pagpabakuna sa kaugalingon ug ang kanunay nga pagsunod sa minimum public health standards maoy makahatag og proteksyon sa katawhan batok Covid-19.
Kini ang subling gibalik-balik nga pahinumdum ni Mayor Oscar Moreno sa publiko bisan pa man og nakasinati sa pag-ubos sa mga kaso ang syudad sulod sa milabay’ng pipila ka mga adlaw.
Basi sa taho sa City Health Office, natala niadtong Agosto 16 ang 1,060 ug 151 ka mga kaso isip pinakataas nga average weekly ug daily cases.
Apan mikanaog na kini ngadto sa 482 ka average weekly cases ug 68.85 ka average daily cases as of September 20 ning tuig.
Gipasabot ni Mayor Moreno nga makawang lang ang paningkamot sa gobyerno kung kulang sa pagpakabana ang katawhan ilabina sa paggamit og face mask, paglikay sa tapok-tapok, pag-disinfect sa kamot ug pagpuyo sa balay kung walay importanteng lakaw.
Nagpahinumdum usab ang mayor sa kamahinungdanon sa bakuna agi’g proteksyon sa usa ka indibidwal aron dili mosangpot ngadto sa severe to critical ang masinati niadtong mga tawo nga natakboyan sa virus.
(Source: City Hall Public Briefing)
