34.6 C
Manila
Sunday, April 21, 2024

Mga Relihiyosong Kalihokan Sa Gawas Sa Simbahan Alang Sa Pista Senyor Gikanselar

- Advertisement -

Cebu City –  Gikanselar sa kaparian sa Basilica Minore del Santo Niño sa dakbayan sa Sugbo ang dagko ug relihiyosong kalihokan sa gawas sa simbahan nga gipahaom sa ika-456 nga Pista Senyor sa Enero 17 sunod tuig tungod hulga sa Covid-19 pandemic.

Tungod niini, di na masaksihan ug matambongan sa mga tumutuo ang Penitential Walk with Jesus sa pagbukas sa okasyon, Penitential Walk with Mary sa kataposang adlaw sa nobena, Traslacion, Seaborne Procession ug ang gisugyot nga Cebu Provincial pilgrimage.

Hinuon, nagkauyon  ang kadagkoan sa Basilica, kagamhanang local, kapolisan ug local IATF pagpahigayon og motorkada libot sa dakbayan agig hulip sa napadaplin nga mga kalihokan.

Ang kagamhanang local, kapolisan ug IATF ang magsilbing katimbang sa simbahan sa pagpanalipod sa panglawas sa mga deboto.

Una niini, gipahibawo sa mga paring Agustino niadtong Sabadonga ang tanang  kalihokan sulod sa Pilgrim Center magpadayon sama sa  misa-nobena.

Apan limitado lang  ang makasulod kaybase sa gilatid nga protocol sa IATF, 50 porsyento lang sa kapasidad ang pasudlon para di malapas ang social distancing. (Jhon Tadlip/JTY)

(Source/Photo: Basilica Minore del Santo Nino)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -