General Santos City – Sumala kang Police Col. Jomar Alexis Yap, Acting City Director sa General Santos City Police Office nga tanang anggulo ang ilahang ginakonsidera sa maong imbestigasyon sa kapulisan sa posibleng motibo sa pagpusil-patay sa tricycle driver nga si Dante Abdulasis Macasalong, hamtong ang pangidaron nga residente sa Barangay Labangal ning syudad milabay’ng semana kung asa naangin ang 6 anyos nga si Precious
Dupio human maigo ug bala sa ulo atol sa pagpamusil ug ginasuta kung si kinsa ang posibleng reponsable sa maong pagpamusil.
Saysay niini nga nakatakda niyang ipatawag ang mga presidente sa tricycle association sa
GenSan aron masayran kung adunay mga driver pa ang adunay mga bahad ug aron masayran kung unsa nga lakang ang mahimo ang kapulisan sa dakbayan.
Dugang pamahayag ni Police Col. Yap nga lakip sa ilahang gina-imbestigahan kung usa lang ang suspek nga nipusil-patay sa driver nga si Harisson Malagante ug Dante Abdulasis Macasalong.
Sumala niya nga adunay testigo sa pagpusil-patay kang Macasalong apan dili matud pa klaro ang diskripsyon sa suspek.
Nakatakda man usab silang magpahigayon ug emergency conference uban ang mga Chief Of Police aron masayran kung makonsidera nga isolated ang mga kaso sa pagpamusil sa syudad particular na sa mga drayber o adunay grupo nga nagpaluyo. (Fred Degala)