Impakaammo ti ti Provincial Education Department a mangrugi ita nga aldaw Pebrero 20 angingga intuno Pebrero 28 iti daytoy a tawen ti panangpabaro iti aplikasion dagiti maseknan nga iskolar ti probinsia para iti second semester school year 2022-2023.
Segud iti PED office nga idadaulwan ni Dr. Dannby Daqoiag, dagiti maseknan nga iskolar ket dagiti Academic, Tech-voc, Agri Fishery (tertiary and secondary) arts ken Senior High School.
Inlawlawagna a masapol nga isubmitir dagiti kasapulan a papeles kas iti Corresponding Renewal Form Accomplished VS Form, VS Documentations, Brgy Certification no adda iti naipaay a buluntaryo a serbisio iti Brgy, Certificate of Grade iti kolehiyo ken masapol nga original.
Kasapulan pay iti VS Narratives report iti kolehiyo, Form 138/ Report Card iti Junior High school ken Senior High School (photo copy), Authenticated Form, Assesment Form iti college ken Certificate of Enrolment iti Junior High School ken Senior High School (1 original and 1 photocopy).
Nu ikuten dagiti kasapulan nga papeles isubmitir laeng iti Provincial Education Office, maikadua a kadsaaran iti Ilocos Norte Centennial Arena, Laoag City.
Segun iti PEDO, agpaut iti pito nga aldaw iti panagpabaro ti aplikasion dagiti maseknan nga iskular ti probinsia para ti second semester school year 2022-2023.
Ti agtultuloy nga programa iti probinsia a panangipapaay ti iskolr kadagiti agad-adal nga ubbing ket paset pay laeng iti naiget a kalikagum ni Gob. Matthew Marcos Manotoc a maipaayan ti naan-anay nga edukasion dagiti ubbing tapnu maaddaan da iti naraniag a masakbayan.
Author: Cita Macalipis
Source: PGIN