Mga pinoy sa Wuhan, China wala pang planong ilikas

Wala pang plano ang pamahalaan na ilikas ang mga Pilpino na nasa Wuhan City sa China.

Ayon kay Presidential Spokesperson Salvador Panelo, wala aniya siyang narinig na ganong klase ng patakaran mula sa Presidente.

Aniya, hindi pwedeng piliting umuwi sa Pilipinas ang mga pinoy dahil nagtatrabaho ang mga ito sa ibang bansa.

Kumpiyansa naman si Panelo na mayroong ginagawa ang mga otoridad sa mga apektadong bansa hinggil sa NCov.

Samantala, pinayuhan naman ng kalihim na sumunod ang mga Pilipino sa direktiba at mga pre-cautions na ipatutupad upang hindi dapuan ng sakit.