Mga Pinoy sa Taiwan pinagiingat sa coronavirus

Pinag iingat ng Manila Economic and Cultural Office (MECO) sa Taichung, Taiwan ang mga Pilipino duon matapos makumpirma ang isang kaso ng coronavirus dito.

Pinaalalahanan ng MECO Taichung ang mga OFWs na panatilihin ang kalinisan at iwasan munang magtungo sa mga matataong lugar.

Hinimok din ng MECO Taichung ang mga Pinoy sa Taiwan na kaagad makipag ugnayan sa kanila sakaling may mabalitaang Pinoy na nahawahan ng novel coronavirus.